呢個blog會係2008年1月11日關門大吉,
所有新post會轉去呢到:
多d入來
今日原本打算做功課的,但係因為懶同貪玩的心作祟，無做到不特止，仲叫左同學仔來我家打wii, alan 同包包，又玩又食，真係好開心，但因為天氣太凍，再加上屋企“冬凍夏熱“的特質，今日真係寒到入心。
昨晚的劉德華演唱會真係好好睇，華仔真係好靚仔，好nice, 好近，因為我坐第三行，所以可以近距離影到佢
，但可惜的係握唔到手
，仲有就係佢Ｄ Fans真係好好好好好投入，每到有機會握手的時候就會立即衝出來，真係,不過佢地都好有禮貌，唔會因為迷偶像，阻到其他睇演唱會的觀眾。
相片後補
不知不覺呢份新工都返左三個月ＬＡ, 同老細傾左, 他覺得有些job唔中tender因為我的design唔得, 我要負上某程度的責任喎, 佢又覺得我又唔想跟客, 又唔想睇場, 佢請個員工返來係要幫佢分擔佢的工作, 相返我又咩都幫唔到佢咁, 仲要令佢多左野做咁, 佢講到好似我好有問題咁, 我第一時間就話咁我走lor, 因為我覺得佢將個責任比左我, 佢好不負責任, 做唔到個job, 第一你比既時間少, 一次過幾個job係手但就全部同一日交, 我一個人做, 你的 breathing 又唔清楚, 三個月唔夠既時間要做到你以前員工的野, 仲有就係我唔係你之前個伙記, 佢幫你做左好多你應該做既野, 唔代表我都會好似佢咁lor, 如果做唔到你既要求, 你可以炒我, 但你唔可以把有唔中個tender既責任比晒我, 仲左你又唔會分紅比我, 如果我可以跟晒所有野, 我自己開間公司做老細, 唔駛同你打工la
好開心，真係好開心．今年係第一年去Ocean Park個萬聖節，之前都成日話想去ｌａ，但係因為年年都無預早買飛，到想去個時又無得賣，就因為咁我同男友講，今年一定要去到呀，所以我一聽到有收音機話可以買飛，就立即上網買，我呢ｄ咁怕排隊／煩，當然係買至尊飛ｌａ，入到去玩得開心ｄ，唔會為排隊同男友吵咀，比多少少錢係值得既
我地一行四個人（當然要叫多兩個人去ｌａ，我咁細膽，唔叫多兩人陪下點得呀），當日三點半就出發去，諗住食定野，入到去可以用多ｄ時間玩多ｄ麻，二來係裡面食野怕多人．
未入場都已經好多人，我地由金鍾出發到大樹灣入口都成半個小時有多，因為有好多的士同旅遊巴入，所以好塞車，下車後仲要排長隊先入到場，入到去都差不多六點，我地帶上手帶後就開始我地的行程.
全程都只係得我一個人驚,其他三個人就睇show咁睇, 佢地覺得睇我仲開心過入去鬼屋lor, 真係比佢地激死.本身我係一個好細膽的人, 少少野都會好驚一餐, (出街特然聽到"砵"一聲都會成個人跳起個隻) ,去鬼屋簡真就係十級挑戰項目. 每間鬼屋玩完出來成隻手係水, 全身出晒汗個隻, 平時係街到行又怕失驚無神比鬼嚇, 真係又驚又要去.哈哈, 不過出年都會去的, 但就一定唔會再同波叔波嬸lor, 佢兩個悶到爆.
